بالصور القرص الطريه اللذيذه الهششه جدااا ساده وكمان محشيه

جايبه لكم النهارده القرص طريه سهله وبسيطه وكمان لذيذه جدا تنفع عشا خفيف او فطار امي كانت دايما تعملها لينا وبتحط معاها قشطه بس طبعا فلاحي طازه انا طبعا مش عندي فحطيت من الجاهزه
شوفوها في الاول عشان افتح نفسكم

نشوف المقادير
5 كوبات ونص دقيق ( كيلو دقيق بس انا بعياره بالكوبايه )
كوب سمنه
نص كوب قشطه ( يفضل بلدي طبعا )
معلقه كبيره خميره فوريه
معلقه كبيره سكر
معلقه كبيره بيكنج بودر
معلقه صغيره ملح
حليب سايل للعجن ( تقريبا كوبايتن الا ربع )
ادي الخميره مع السكر وربع كوبايه حليب دافي ونسيبهم يخمروا

السمن (يكون دافي مش لازم تقدحيه ) مع القشطه ونفركهم كويس مع الدقيق
وبعدين نضيف الخميره وبالحليب الدافي نعجن لحد ما تكون عجينه ناعمه ومتماسكه

نسيبها ترتاح وتخمر معايا

وعلي ما تخمر نكون حضرنا الحشوه بتاعتنا ( انا حشيت تمر وجبنه وعملت شويه ساده )

ودي طريقه التمر عشان كتير سألوه عليه
بعد ما تشيلي النوا من التمر تحطي شويه زيت او معلقه سمنه بلدي عليه

وعلي النار هاديه خالص لحد ما يطري وبعدين اكوره بالشكل ده

نحشي الاول بالتمر

نلمها تاني كده

وده شكلها النهائي

ودي حشوه الجنبه بنفس الطريقه

انا عملتها اصغر شويه عشان اميز بينهم

وده الساده فردته كده

وقسمته اتنين كده

ده بالتمر

وده بالجبنه والساده

نسيبهم بقه يخمروا معايا تاني خالص ومش تستعجلي عليه عشان تتطلع هشه معاكي

ندخلها الفرن تحت حراره 180 درجه من 10 ــ ربع ساعه او تحمر معاكي

شوفوا لونها حلو ازاي

واهم حاجه ياحلوين بعد ما تستوي نغطيها كويس عشان تتطري معانا عشر دقايق ربع ساعه تلاقيها طريت وبقيت 

روووعه 

منقول من منتدى فتكات